Loron ruma ema seluk hatoo nia problema ba ita. Ita tenke ajuda. Ita labele dehan ne laos problema hau nian... ne urusan o nian.
Ita lahatene katak dalaruma problema ne bele mai fali ita.
Le istoria tuir mai ne:
Iha ferik no katuas ida hela mesak iha uma kiikuan ida. Sira rua
hakiak manu, fahi no karau iha sira nia quintal.
Iha loron ida sira rua sosa "mouse trap" (ratoeira, hodi lasu laho).
Wainhira laho hare sira rua atu monta mouse trap, laho komesa tauk no prekupado tebes tamba laho sente ne problema boot ba nia vida. Entaun laho halai ba manu hodi hateten:
Agora iha mouse trap iha uma laran!.
Manu hatan: Hau la prekupa liu. Ne laos hau nia problema.
Laho halai fali ba fahi hateten:
Agora iha mouse trap iha uma laran!.
Fahi hatan: Hmm hau la prekupa liu tamba ne laiha problema mai hau.
Laho halai fali ba karau hodi hateten:
Mouse trap agora iha uma laran!.
Karau hatan: Ne problema o nian. Hau la prekupa.
Depois laho ho laran triste fila nonok.
Wainhira iha kalan Mouse trap tarutu entaun ferik rona no hader ba hare. Ferik hanoin keta kona ona laho oan ruma karik. Ferik lao besik ba fatin ne; Maibe tamba nakukun ferik la hare hetan, Derepente ular metan ida tata tiha ferik, afinal mouse trap ne habit metin tiha ona ular nia ikun. Ferik desmaia tiha depois nia katuas oan lori ba hospital. Iha ospital ferik forsa menus ba bebeik tamba veneno ular nia domina ona nia isin. Durante iha ospital presija han kaldu entaun nia katuas oan oho tiha manu hodi halo kaldu. Presija han naan para isin diak entaun katuas oan oho tan fahi. Mas too ikus ferik ne mate duni tamba veneno domina tiha ona nia isin.
Too ikus katuas oho tan karau para hodi hakoi nia ferik oan.
Moral Istoria:
Loron ruma ema seluk hatoo nia problema ba ita. Ita tenke ajuda. Ita labele dehan ne laos problema hau nian... ne urusan o nian.
Ita lahatene katak dalaruma problema ne bele mai fali ita.
Tan ne ita ema presija tulun malu wainhira ema ou ita nia maluk balun presija ita nia ajuda.
Moris ne hanesan milagre ita lahatene saida mak ita hasoru iha futuru.
Ohin ita diak...keta aban ita aat karik?
Ohin ita kontente keta aban ita triste karik?
Karma ne iha!.
