Laran ne triste tebes wainhira foti ain husi aeroporto Comoro. Hau tenke husik hela ema sira nebe hau hadomi tebes iha hau nia moris. Iha sabado 24 Nov 2018 ami tenke fahe malu, tamba hau atu ba rai dook ba buka serbisu.Triste tebes!!! maibe ho hau nia oan Zezé nia prezensa bele halakon hotu hau nia tristeza iha tempo neba, hau nunka imagina katak hau nia oan Zezé akompanha hau nia viagem ba dalarua ona (2016 e 2018).
Hau foin hatene katak, Afinal força domin sempre lori ema sira nebe especial mai ita iha momentu nebe ita presiza tebes sira nia prezensa.
Wainhira hau hateke ba Zezé nia oin, iha hau nia laran atu hatete ba nia katak: Oan, Lalika triste no lalika laran susar. Papa ba la kleur iha neba, papa sei fila mai hamaluk o. Obrigado oan, ho o nia prezensa bele halo papa força nafatin ba serbisu iha rai dook.
Papa hadomi o.