Quando hau sei iha Timor, hau hakarak los atu ba hare rai Eropa, hau hakarak los sente oinsa moris iha malae nian rain. Afinal, mehi ida ne'e sai realidade. Hau kontente tebes iha loron neba, wainhira hakat ba atu sae avião, hau hateke ba leten (kalohan) hau agradese:"Nai, Obrigado ba alegria ida ne'e".
Hau la hateke fila ba kotuk, tamba hau lakohi hare "Foti Liman Adeus" husi hau nia familia nomos ema sira nebe mai husik hela hau iha aeroporto, tamba sira nian adeus bele halo hau triste, nomos bele hamonu matanben barak iha loron neba.
(liu minuto 30, odamatan avião taka, komesa semo ba destino PORTUGAL.)
Ohin loron, loron 19 de Dezembro halo hau hanoin fila fali iha tinan rua liuba tamba iha loron neba hau husik hela hau nian familia ho amigo sira. Hau Triste loss tamba Natal tinan hirak nian liu ona hau la passa hamutuk ho hau nian familia nomos amigo sira.. Kleur tebes ona e halo hau saudades loss atu passa momento furak ida ne hamutuk ho sira. Maske nunee, fulan oin, hau sei bele passa Tinan Foun hamutuk ho sira, Hau sei fila, tamba fila ba uma buat ida nebe furak tebes iha ita nian moris.
"FILA" sei furak liu do que "BA"
By: Alf@ Msc